Shillong, K’Lyngkot 24 : Ki ‘Flying Squads’ jong ka South West Garo Hills hynne ka sngi ba-ar, ki la ïoh kurup haduh 10.03 lak tyngka.
ïa kane la pynthikna da u Chief Electoral Officer (CEO) ka jylla bah F.R Kharkongor.
La ïathuh ba kine ki briew kiba shah bat ryngkat bad ka pisa ba T. 10.03 lak kim lah ban pyni ïa ki kot ki sla ban pynshisha halor kane ka song pisa bad naka liang ki bor district ki dang pynlong ka jingtohkit.
U bah F.R Kharkongor ula ong ba ym shah ïano ïano ban rah pisa palat T. 50 hajar katba dang treikam ka Model Code of Conduct (MCC).
