Shillong, Risaw 27: Ka jingïalang paidbah kaba donkam kyrkieh jong ka Khasi Jaiñtia Deficit School Teachers Association (KJDSTA) kan long ha ka 1 tarik u Naiwieng, 2025 ha H. Elias Memorial Hr. Sec. School Nongshylliang Nongthymmai, Shillong ha ka por 11.00 baje mynstep ban pynskhem ïa ki nongkitkam bathymmai jong ka Association.
Nalor ka jingïalang paidbah kaba donkam kyrkieh kan don ruh ka jingïakren halor ki kam kiba kongsan ba la mad da ki nonghikai deficit ha ka jylla Meghalaya. Naba ha katei ka jingïalang yn sa shim ruh ïa ki rai kiba donkam bha, la kyrpad ïa baroh ki zonal president/secretary bad president/secretary jong ki unit bapher bapher ka seng KJDSTA ba kin pynthikna ïa baroh ki dkhot na ki skul deficit bapher bapher kin poi lang sha kane ka jingïalang naba ka dei ruh ka jingïalang kaba donkam bha, ong ka kyrwoh ba la phah da u Babu B Pala. Secretary, KJDSTA, Shillong.
