Shillong, Nailar, 30: Palat 1,28, 551 ngut ki nongrep ki dei kiba im ha kaba rep kwai ha ka jylla.
Ïa kane ka pyntip da ka Myntri kaba khmih ïa ka tnat Agriculture & Farmers’ Welfare ka Dr. M. Ampareen Lyngdoh ha ka jubah ba la wanrah hapoh ka Ingdorbar Thawaiñ ka Jylla ha ka sngi Thohdieng.
Ka Myntri ka la pyntip ruh ba ka la don ka khep ba ka dor bad ka jingdawa ïa u kwai ka la hiar bha.
Ka jingkiew bad ka jinghiar jong ka dor jong ki marbam ka shong ha ka jingdawa bad ka jingbun ka jingshalan ha iew.
“Ka sorkar lyngba ki jingïarap bapher bapher ka kyrshan ïa ki nongrep ban weng ïa ka jingkylla dor jong ki mar rep ha iew,” ka la ong.
