Shillong, Jymmang 5 : Ka Kynhun Myntri kaba la ïa kynduh mynta ka Sngi Ba Ar ka la rai ban thung pynskhem ( regularisation) ïa 98 ngut ki nongtrei Adhoc kiba la thung shwa ka 31 tarik Nohprah 2007.
Kine ki dei ki Nongtrei Adhoc kiba lai wat kiba la ïoh ka jingithuh bad pynskhem na ka sorkar.
Kine ki 98 ngut ki dei na ki tnad sorkar bapher bapher tangba kiba kham bun ki dei na ka tnad jongka koit ka khiah.
“ Ha kane ka kynti ka list jong ki nongtrei Adhoc kiba la poi sha ka sorkar ki long 98 ngut ki dei na ki tnad sorkar bapher bapher tangba kumba 55 ngut ki dei na ka tnad ka koit ka khiah” ong u ma Wailad.
Halor ka jinglut pisa pat na ka bynta jongki u ma Wailad u la ong ba kam don jingktah ïa ka pla tyngka ka sorkar namar kine ki dei kiba la thung halor ki post kiba lait tangba ym pat pynskhem ïa ki baroh shi katta bad mynta la rai ban pynskhem a ki kum ki nongtrei ba pura jongka sorkar. Kumta na kata ka daw kam don satia ka jingktah ïa ka pla pisa ka sorkar jylla.
