Shillong Nailar 30: Ka Dorbar synrai jong ka ïing Dorbar Thaw Aiñ ka Jylla kan long naduh ka 15 tarik Nailur haduh ka 22 tarik u Nailur.
ïa kïne kï sngi long Dorbar la mynjur ha ka jingïalang jong ka Business Advisory Committee (BAC) ba la pynïaid da u Lamphang ka ïing Dorbar Thaw Aiñ ka Jylla u Thomas A Sangma ha ka sngi Balang.
Kiba la wan ïashim bynta ha ka jingïalang ki long u Symbud Myntri Rangbah ba khmih ia ka Parliamentary Affairs Bah Prestone Tynsong bad u Dkhot ka Liang Pyrshah bad President ka AITC Bah Charles Pyngrope.
Haba ïakren bad ki nongthoh khubor, u Thomas ula pyntip ba ka Dorbar kan long 5 sngi ha kaba lai sngi la buh ban ïakren ïa ki kam ka Sorkar katba arsngi la buh ban kren ïa ki kam ki MLA ba shimet shimet.
