Jowai, Nailar 07: Ka Jaiñtia Students’ Movement (JSM) Central Body lyngba ka Education- Cell kala pyntip ba shen kan sa pynlong ïa ka prokram ban ai khusnam sha ki khun samla napoh ka Ri-Lum Jaiñtia kiba la wan bha shakhmat ha ki jingpule bapher bapher kaba la tip kum ka ‘4th Excellency Award 2022.
Ïa kane ka rai ka seng ka la shim hadien ba dep ban pynlong ïaka jingïalang bad la pynbeit bam sam ïa kane ka khusnam sha ki samla pule kiba la kynjoh sha ka 80% shaneng ha ka matrik, Class Twelve (any streams) bad kumjuh ha ka Graduate.
Na ka bynta ki kol ki sla (documents) jong ki samla pule kum ki marksheet, Certificate kilah ban pynpoi ha ki nongïalam ka seng da kaba shu phone lane whatsapp ha kine ki numbers: 6001824031 / 8787789140 bad yn pdiang ïa ki haduh ka 19-08-2022
La pyntip da u samla Heyboyme Myrphet uba dei u Education Secretary JSM Central Body ba ka tarik ban pynlong ïa kane ka prokram sam khusnam sha ki khynnah skul kan long ha ka 27 tarik August, 2022, ïa ka jaka ban pynlong prokram ka seng kan sa pyntip hadien.
