Mawkyrwat, ‘Nailar 07: Kum shibynta ïa ka jingrakhe ïa ia ka sngi jingïoh laitluid jong ka Ri India, ka Ophis jong u District Sports Officer (DSO), South West Khasi Hills District, Mawkyrwat kan pynlong ïa ka jingïakop mareh thong kaba la tip kum ka ‘Independence Day Run 2023’ (open category) na ka bynta ki shynrang bad kynthei ka ban long ha ka 14 tarik u ‘Nailar, 2023 ha Mawkyrwat.
Na ka bynta kiba wan ïashimbynta, kan don ruh ka khusnam da ka song pisa kaba yn sam ïa kiba wan nyngkong, Ba-ar, Ba-lai, Ba-saw haduh Ba-hynñiew bad ruh na ka bynta kiba heh duh bad kiba rit duh kiba lah ban pynkut ïa ka jingmareh.
Namarkata, kino kino kwah ban ïashimbynta kin leit ai ïa ki kyrteng jong ki bad shim ïa ki Chest No. napoh ophis jong u D.S.O. Mawkyrwat ha lane shuwa ïa ka 11 tarik u Nailar, 2023 bad yn ym pdiang shuh hadien jong katei ka tarik.
Ïa ki jingtip ba kham bniah lah ban leit kylli na ophis lane phone ha u 9485446326/8837077969.
