Shillong, Nailar 22 : Ka Meghalaya Carrom Association (MCA) kan sa pynlong ka jingïalehkai carrom kaba tip kum ka 20th Meghalaya Open Carrom Championship Cum Selection na bynta ban mihkhmat sha ka 50th Senior Nationals kaban sa long ha u Naiwieng 2022 ha New Delhi.
Ïa katei ka Championship yn pynlong naduh ka 13 tarik haduh 17 tarik Nailar 2022 ha Lama Villa Community/Sports Hall, Shillong.
Ki kyrdan ïalehkai ki kynthup naduh ka jingïalehkai kynhun, ka jingïalehkai ba para marwei bad mar arngut shynrang bad kynthei, ki junior bad sum junior na bynta ki khynnah shynrang bad kynthei bad ka jingïalehkai ba para marwei kiba la rangbah.
Ka Association ka pynkynmaw ruh na bynta ki club ba kin pynthymmai noh ïa ka jingpynrung kyrteng sha ka association bad ruh ban pyntip sha ka association lada ki pynlong ïa kino kino ki tournament. Kane ka long katkum u kyrwoh khubor na u Bah F. Nongkynrih General Secretary ka MCA.
