Nongstoiñ, Nailar 22 : Ka Khliehmawlieh bad Upper New Nongstoiñ ki la kheit ïa ka nam jop ha ka lympung super division phutbol jong ka Nongstoiñ District Sports Association, kaba la bteng bad ïaid shaphrang mynta ha madan shnong Mawkadiang.
Kine ki nam jop ki la long hynne ka sngi ha kaba ka Upper New Nongstoiñ ka la jop ia ka Mawkawah da ar kol la nod. Katba ka Khliehmawlieh ka la jop ïa ka Pyndengrei da shi kol la nod. Kane ka lympung kan nang ïai bteng man ka sngi ha madan phutbol jong ka shnong Mawkadiang.
