Mawkyrwat, ‘Naiwieng 17 : Ka Mawsaw Sport & Cultural Club kan sa pynlong ïa ka lympung ïalehkai kynjatbol kaba la tip kum ka Invitation Football Tournament (IFT) 2022 – 2023 bad kan pynïalehkai da ka knock-out System ha ka Madan Mawthengbah, Mawsaw, South West Khasi Hills District.
Ha kane ka lympung ïalehkai yn pdiang haduh 16 (Khadhynriew) tylli ki kynhun ha kaba na ka bynta ka kynhun kaba nongjop bad kaba shah rem ha ka phainal kan don ka khusnam ryngkat ka song pisa bad kumjuh ruh ki khusnam shimet kata nongap kol bat bit, ‘rangïalehkai bat bit bad u nongthep kol bun.
La tip ruh ba ka bai rung kan long T.7,500/- kawei ka kynhun bad ka pisa lypa T. 5,000/-. Ïa ka pisa ki lah ban ai ha u Secretary Football Tournament lane pynpoi lyngba kane Bank Account: SBI Mawkyrwat Branch kaba don ïa u Account No: 38358463278 bad IFSC: SBIN0005808. Ka tarik ba khaduh ban pdiang ïa ki kynhun kan long ha ka 10 tarik u Nohprah, 2022.
Namarkata, ka Mawsaw Sport & Cultural Club ka khot sngewbha ïa ka Sport Club ne kynhun shimet ban wan ïashimbynta ha kane ka lympung ïalehkai kynjatbol khnang ba kan long ka jingkyrshan na ka bynta ka sports club bad kumjuh ruh ban kyntiew ïa ka kam ïalehkai ha ka dong ka thaiñ baroh kawei. Kane ka long ka kyrwoh na u Secretary Football Tournament.
