Jowai, Nailar 26: Ka Diza’s Socio & Sports Club (DSSC) mynta u snem kan pynlong biang ïa ka ‘Miss Jowai Pageant 202’3 halor ka phang kaba ong “Empower Her: Grace, Culture, Sustainability” ïa kaba yn pynlong ha u bnai December, 2023.
Ka jingthmu ban pynlong ïa kane ka Jowai Pageant 2023 ka long shi bynta ban pynpaw pyrthei bad ai mynsiem ïa ki thei samla jong ka Ri-Lum Jaiñtia ban kin mih shakhmat ban ïashim bynta ha kum kine ki rynsan thei bhabriew.
La ïathuh ba ki thei samla ki ban ïashim bynta ha kane ka rynsan kin dei kiba don ha ka rta kaba 19-27 snem, ka jingjrong kan long 5.2 shaneng (without Heels) bad kin dei kiba dang samla pura, kiba wan ïashim bynta kin long ki nongshong shnong ka Ri-Lum Jaiñtia bad kumjuh ïa kito kiba sah shabar kiba dang dei ki jaitbynriew Pnar da kaba pynshisha da ki syrnot.
Naka liang ka President DSSC ka kong E.E. Laloo kala pynpaw ka jingsngewkhem ban ïoh pyllong biang ïa kane ka rynsan thei bhabriew mynta ka snem, kala ïathuh ba ïa kane ka seng la sdang naduh ka snem 1988 ban pynkiew ïa ki khun samla ha ka liang ka jingïalehkai Sports ha kaba kane ka seng kala ïoh shibun ki jingjop ha ka jingleit ïashim bynta ha ki Tournament bapher bapher.
Ha kane ka kynti ym tang haka sports kala pynshang ban pynlong ïa kane ka rynsan thei bhabriew kum ka dak ban pynshlur ïa ki samla lud ban ki mih ha kum kine ki rynsan ban ïoh pynpaw pyrtehi ïa ka sap kaba ki don.
Katba na ka liang u Dr. E. Marbaniang Secretary DSSC bad u ma A.J Nongkynrih A7G Enterprise Event Partner kila pynsngew la 35 snem ka jingïaid lynti jong ka seng ha kane ka kynti kila ki la pyrshang ban wanrah ïa ki rynsan kiba kham pher katkum ka juk ba mynta kiba lah ban khring ïa ki samla ban ïashim bynta.
La pyntip ba ïa ka tarik bad ka jaka ban pynlong ïa kane ka rynsan thei bhabriew yn sa pyntip hadien. Katba ïa ki form ban pynrung kyrteng (registration) yn sa sdang naduh mynta ka sngi 26.08.2023 haduh ka 30 tarik u September, 2023. Ki samla lud na Ri-Lum Jaiñtia kiba don jingmut ki lah ban leit mih sha ka Runo Health Clinic, Kynruh Saphlang hajan ka little Angles School, Jowai bad ban ïoh ki jingtip ba bniah.
Ka samla Lameca Passah kaba jop ïa ka Miss Jowai haka snem 2018 kala kyntu ïa ki samla la Ri-Lum Jaiñtia ba kin mih shakhmat ban ïashim bynta ha kane ka rynsan, lyngba ka jingïashim bynta jong ki thei samla kan plie lad plie lynti ïa ki ha kiba bun ki bynta jong ki jingïakop kiba kham shakhmat ban long ruh ki nongïalam, kiba ïadei haka imlang ka shalang bad ban long kum ki Ambassador.
