Yn pynlong jingpyrshang & jied nongkiew lum ka MeSCMA na bynta ka NE-Zone Sport Climbing

Shillong, Risaw 02: Ka Meghalaya Sport Climbing and Mountaineering Association (MeSCMA) shen kan sa pynlong ïa ka jingpyrshang ban jied nongïalehkai na ka Jylla (State Level Selection Trial) kum shi bynta ban pynkhreh ïa ka North East Zone Sport Climbing Competition 2023 ka ban sa long shen.
Ka MeSCMA ka la rai ban pynlong ïa kane ka jingjied ha ka 6 haduh 7 tarik u Risaw, 2023, naduh ka por 9 baje mynstep, ha kaba ki nongïasghimbynta ki hap ban pyrshang kiew ïa ka kynroh kaba la shna kyrpang (climbing wall) jong ka 58 GTC, ha Happy Valley, Shillong shuwa ban jied ïa ka kynhun ba pura napdeng ki nongïalehkai ban mihkhmat ïa ka jylla. La bynta ïa kane ka jingpyrshang haduh lai kyrdan kiba kynthup:-
1.Sub junior 10-13 years (ba la kha hapdeng 01-01-2010 haduh 31-12-2013)
2.Junior 14-16 years (ba la kha hapdeng 01-01-2007 haduh 31-12-2009)
3.Senior 17 years ( ba la kha hapdeng 01-01-2006 & hashwa)
Na bynta ki jingtip ba khambñiah phi lah ban phun ha kine ki nombar :– 7085400617/7005417842/9612431187 , bad ka sngi ba khadduh ban pynrung kyrteng kan long ha ka 4 tarik Risaw, 2023 (haduh ka por 5 baje janmiet).
Kane ka long katkum ka kyrwoh kaba la pyllait da ka Meghalaya Sport Climbing and Mountaineering Association ha kaba ïadei bad ka jingthmu jong ka ban jied nongïalehkai ban mihkhmat ïa ka jylla ha rynsan ïakop North East Zone Sport Climbing Competition 2023.