Jowai, Nailar 07: Ka Dorbar ki Waheh Kur Ri Jaiñtia kan pynlong ïa ka General Meeting jingïalang paidbah haka 10/08/2024 ha Khliehriat East Jaiñtia Hills District ha ka ïing Dorbar Hall ka Khliehriat West haka por 10 baje mynstep.
Kumta na ka liang jong ka Dorbar ki Waheh Kur Ri Jaiñtia ka khot ka wer ïa ki Kur ki jait bapher bapher kiba don ha East Jaiñtia Hills District, naduh ki Secretary/President/Chairman/Members jong ki Sengkur bapher bapher ban wan sha kane ka jingïalang paidbah khnang ba ha kane ka sngi ka Dorbar ki Waheh Kur Ri Jaiñtia kin ïoh ban ïa kren ïa pylliew jingmut bad ki Waheh kur bapher bapher ba kumno ban tehsong ïala ka jong ka kur ka jait katkum ba la pynkup ha ka JHADC da ka bor Riti pynïaid kam ka Ri India.
La khot kyrpang kumjuh ïa ki nongkitkam, ki Waheh, ki Dkhot ka Executive Committee Dorbar/Seng Kur Shynrang bad kynthei kiba don ha East Jaiñtia Hills District, Kane ka long katkum ka jingpyllait khubor u Rgh, S. Sari Publicity Secretary Dorbar ki Waheh Kur Ri Jaiñtia.
