Yn pynlong ïa ka jingïalang ha Shillong ban ai jingtip shaphang ka PM-WANI

0

Shillong: Ka tnat Telecommunications (DoT), North East LSA kan pynlong sa kawei ka jingïakynduh lyngba ki lad digital halor ka Prime Minister’s Wi-Fi Access Network Interface (PM-WANI) ha ka21 tarik u Nailur, 2022. Ka jingthmu ka dei ban kyntiew ïa ka jingtip shaphang kane ka kam hapdeng kito kiba lah ban ïadon bynta ha kane bad kito kiba la don lypa ha ka kam.
Ka PM-WANI jong ka DoT ka dei ka sienjam ba la ïoh jingmynjur na ka kynhun Myntri Sorkar Pdeng ba khlieh duh da u Myntri Rangbah Duh, u Narendra Modina ka bynta ka jingpynbiang ïa ka internet broadband lyngba ki Wi-Fi networkpaidbah.
Ki rukom pyntreikam ïa ka skhim ki plie lad ïa ka jingpynsuk ha ka kam khaii bad ka pynshlur ïa ki dukan shnong bad ki jaka treikam bapher bapher ba kin long ki nongpynbiangWi-Fi Hotspot – Public Data Office (PDO). Ki dukan shnong bad ki jaka treikam barit baria kiba trei ruh kum ki PDO ki lah ban ïoh jingkamai na ka jingdie ïa ka internet khlem da donkam ïa ka license, ka jingkyntiew kyrteng lane kanokano ka jingsiew ba hap ai sha ka DoT.
Kito kiba don jingmut / kiba lah ban shim ïa kane ka kam PDO/PDOA/ki riew shimet ki lah ban pynsngew ïa ka jingkwah jong ki ban shim ïa kane ka kam ha ryngkat ki jingai jingmut / jingshem ha ka email ID adett.nelsa-dot@gov.in. Ïa ka link ban ïashim bynta ha ka jingïalang lyngba ka bor internet yn sa ïasam bad kito kiba kwah.

Leave A Reply

Your email address will not be published.