Nongstoiñ, Risaw, 23: Ka Dorbar Shnong Pyndengrei ka la pynbna paidbah ba kan khang ïaid kali noh shwa shi por ïa ka surok na Pyndengrei-FCI kaba mih sha surok bah Nongstoiñ Bye pass.
Ka Dorbar shnong kala pyntip ruh ba katei ka surok mynta ka dang don hapdeng ka jingmaramot ban pynbha bad siang rong noh namar kala sniew shaba palat.
Ïa katei ka surok yn sdang ban khang khang ïaid kali noh naduh ka 24 tarik u Risaw tad haduh ban da lah ban pyndep ban shna ïa katei ka surok.
Kumta na ka liang jong ka Dorbar Shnong Pyndengrei, ka kyntu ïa ki paidbah ba kin ïatreilang bad ka shnong da kaba kin ïai shah shitom shi por, khnang ba kan nym don kano kano ka jingthut haba pyntrei ïa katei ka surok.
