Jowai, Nailar 01: Ka West Jaiñtia District Sports Association (WJDSA) kala pyntip ba kan pynlong ïaka Trial Camp ka ban long haka 8 tarik August 2026 ha Wahiajer Multi Sports Complex naduh ka por 7 baje shiteng mynstep.
Kane ka Trial Camp ka long shi bynta ban jeid ïaki nongïalehkai ki ban leit ïashim bynta haka State Athletics Championship 2026 kaba yn pynlong ha nongbah Shillong.
Ka rta jong ki nongïalehkai kan long ïa kiba la kha hapoh jong ka 03/03/2009. Ha ka juh ka por kin hap ban wanrah lang ïa ki kot pynshisha kum ka Original Aadhar/AFI UID, Birth Certificate.
La pyntip ba ki jingïalehkai na ka bynta ki khynnah shynrang bad ki kynthei ki long haka 100M, 200M, 400M, 800M, 1500M, 5000M, 10000M, ka long jump, high jump, shot put, discus throw bad ka javelin throw.
Na ka bynta ki jingtip ba khambniah lah ban phone ha kini ki Numbers: 9856109222, 9862274201.
