Jowai, Jylliew 30: Ka West Jaiñtia Boxing Association (WJBA) ryngkat ka jingïatreilang bad ka Meghalaya Boxing Association (MBA), kan pynkhreh ïa ka District Level Boxing Selection Trial, ban jied ïa ki nongïalehkai ki ban mihkhmat sha ka 39th National Games ka ban long ha ka jylla ha u snem 2027.
Ïa kane ka Selection Trial yn pynlong haka 24.07.2025, na ka bynta ka West Jaiñtia kan long 9 baje mynstep ha Bishop House Lumbihsyntu Mihmyntdu. Na ka bynta ka East Jaiñtia kan long 3 baje janmiet jong ka 24.07.2025, ha East Jaiñtia District Sport Association Indoor Sport Hall, Dkhiah East Khliehriat. Ka West Jaiñtia Boxing Association (WJBA) ha ryngkat ka jingïatreilang bad ka Meghalaya Boxing Association [MBA] ka khot bad wer ïa baroh ki nongïakura baroh ar District ki ba don sap ha ka kam ïakura (Boxing) ban wan sha kane ka Selection Trial.
Ki nongshim bynta kin long katkum ki kyrdan bapher bapher (Weight Category) ki shynrang ka long 47-50kg, 50-55kg, 55-60kg, 60-65kg, 65-70kg, 70-80 kg, 80-85kg, 85-90kg bad 95 kg.
Na ka bynta ki kynthei pat ka long 45-48kg, 48-51kg, 51-54kg, 54-57kg, 57-60kg, 60-65kg, 65-70kg, 70-75kg, 75-80kg, bad 80kg. Ka rta kan long naduh 17 snem haduh 40 snem, kata kan long naka bynta ki shynrang bad kynthei.
Ki nongïashim bynta kin wan rah ïa ki kot ki sla badon kam, kum ka Original Birth Certificate bad Adhaar Card ryngkat ki tiar shimet (Boxing Kit), kiba ju pyndon kam ha ka jingïalehkai Boxing. Ïa ka jingtip ba kham bniah lah ban phone ha une u number (9612691732). Kane ka long katkum ka khubor bala phah da u ma W. Ksoo President West Jaiñtia Boxing Association.
