Nongpoh Risaw, 22: Arphew ngut ki samla donsap ha ka shad bad rwai ki la shah jied ban rung sha ka thup phainal, jong ka Ri Bhoi Superstar Season 1, ka ban sah long ha u bnai Nohprah 2023 ha Umsning, hadien ba kitei ki samla donsap kila lah ban pyni ïaka sap kyrpang jong ki haka jingïakhun Semi Final kaba la long hynnin ka sngi ha District Library Nongpoh.
Katei ka jingsha jied jong ki tei ki samla kadei, hadien ba ki nongbishar ki la bishar bñiah ha ka Semi Final ïaka sap kyrpang kaba ki don haka shad ka rwai, hynrei napdeng baroh ki nongshim bynta tang 20 ngut ki la sha jied ban rung sha ka Final, jong ka Ri Bhoi Superstar Season 1.
Ha kane ka Semi Final jong ka ka Ri Bhoi Superstar la wan ban sakhi bad ai mynsiem ïa ki nongshim bynta ha kane ka rynsan da u Bah Bajop Pyngrop MDC Rambrai Jyrngam Constituency, u Raja Brama Additional Deputy Commissioner ka Ri-Bhoi, u Bah Pyndaplang Wahlang President NPYF Ri-Bhoi, u Bah B. Lyngdoh Rangbah Shnong Quinine, U Bah Lansius Syiemlieh Producer lem bad ki paidbah kiba la wan ban sakhi ha kane ka sngi.
Na ka liang kitei ki riew rangbah kiba la ai jingkren ha katei ka sngi kila ai mynsiem ïa kitei ki nongïashim bynta naduh ki kynthei bad shynrang kiba la shlur ban mih shakhmat ban pyni ïala ka jong ka sap ka phong kaba ki don haka rwai bad ka shad bad lyngba kum kine ki lympung kan ruh ka rynsan ïaki ban pynpaw pyrthei ïaka sap kaba ki don khamtam ban poi sha kiwei ki kyrdan ba kham shalor.
Shuh shuh kila kyntu ruh ïaki nongïashim bynta baroh ba kin pyndonkam hok ïaka sap kaba ki don bad ban dang trei shitom shuh shuh naka bynta ban rah ïaka nam jop haduh ka phainal jong katei ka lympung.
