Shillong, Nailar 14: Ki Pulit ka Jylla kim pat ïoh kem ïa ki briew kiba donkti ha ka jingkawang petrol bomb ïa ka Ophis ka Meghalaya State Pollution Control Board (MSPCB).
Haba kren bad ki nongthoh khubor ha ka Sngi Thohdieng, u Superintendent of Police u bah Vivek Syiem ula ïathuh ba ka jingtohkit ka dang ïaid bad yn sa khot shen ïa ka jingïalang ban ïa pyrkhat halor kane ka kam.
“Ka jingtohkit ka la ïaid bad ngin sa shong ïa ka jingïalang ban pyrkhat halor kane ka kam shen” ula ong.
Haba kylli halor ka jingïaid ka jingtohkit, u SP ula ban biang ” Kumba nga ong, ka jingtohkit ka dang ïaid”.
Ki Pulit kim shym ïathuh ïa ki jingtip ba bniah halor ki briew ba suba ne ka jingïoh ksai ïa mynta.
Kane ka jingjia kala jia ha ka 3 tarik Nailar, ha kaba arngut ki riewtap khmat kiba wan da artylli ki scooty, ki la rung sha phyllaw ka MPSCB bad kawang ïa artylli ki petrol bomb.
Ka MPSCB ka la ujor ïa ka ejahar ha Laitumkhrah police station bad la register case ïa ka hapoh ka kyndon 324(3)(6)/326(g)/3(5) jong ka BNS.
