Jowai, Naiwieng 04: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 4 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division ka Khimusniang kala pynliem da 3-1 kol ïa ka Chutwakhu, ïa kitei ki kol na ka Khimusniang la thep da u Alwin Dkhar haka minit ba 24 & 48 bad u Wanbing Passah haka minit ba 85. Ïa ka shikol naka Chutwakhu la thep da u Luckyness Khyriem haka minit ba 39. Katba haka jingïakhun jong ka 1st Women League Football Tournament 2025 kaba la long mynta hi ka sngi ka 7 Wasa United kala jop da 8-0 kol ïaka Q.C.S Football Women Club, ïa kitei ki kol na ka 7-Wasa United la thep da ka Amethis Darnei haka minit ba 5, ka Nidaroiki Biam saw kol haka minit ba 8, 22, 30 & 51 bad lai kol da ka Aetishia Lytan haka minit ba 36, 56 & 60.
