Jowai, Naiwieng 03: Ka Dorbar Shnong Pdengshakap West Jaiñtia Hills kan pynlong biang sa shisien ïaka lympung ïalehkai phutbol mynta u snem ïa kaba la tip kum ka “12th Secondary School Football Knock-out Tournament 2025-26” ha madan Pdengshakap. Ha une u snem ki prizes kin long kumne:-Winner: Rs. 3,50,000 (Lai lak san phew hajar tyngka) bad Runner’s Up: Rs. 2,50,000 (Ar lak san phew hajar tyngka). Na ka bynta ka bai Entry ka long Rs. 5000 (San hajar tyngka).
Kumta la khot bad wer sngewbha ïa baroh ki Club, ki riew shimet kiba na jan bad na jngai ban wan ïa shim bynta lang hakane ka Tournament, kum shi bynta naka jingkyrshan lang ïaka shnong ban ïoh pynmih pisa ïaka skul Shnong. Ha kane ka kynti yn pdiang tang 32 tylli ki teams, ka tarik ba khadduh ban pdiang ïaki team kan long haka 22 tarik u November, 2025. Ïaki jingtip ba kham bniah lah ban phone ha kine ki number: (8131804743), (8787491446), (9863533746).
