Jowai, Nailur 16: Ka lympung phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long ha ka Lah Sngi U Blei (16 tarik u Nailur) ha Kiang Nangbah Stadium, Jowai.
Haba phai sha ka jingïakhun kaba nyngkong hapdeng ka NSA bad ka Maitshaphrang Mowtyrchiah, kila poi sha ka jingïakhaid ha kaba ym shym la don ba lah satia ban pynkhihjar haduh kaba kut ka por (0-0).
Ka jingïakhun kaba bud ruh kaba la long hapdeng ka Chilliangraij pyrshah ïa ka Khliehmynkrem ka la poi sha ka jingïakhaid 0-0 kol, ha kaba ki la ïoh ban ïasam mar shi point.
