Jowai, Nailur 12: Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 12 tarik u Nailur haka kyrdan ‘8th Debo Shullai Memorial Trophy 2nd Division Football 2025 ïa kaba la pynlong ha madan Kiang Nangbah Stadium Dongmihsngi, Jowai.
Haba phai pat sha ka jingïakhun ba nyngkong jong ka 2nd Division ka Khliehmyntang Ialong kala jop da 1-0 kol ïa ka Umlangchor Mukhla, ïa katei ka shikol na ka Khliehmyntang Ialong la thep da u Banshanbor Pale haka minit ba 44.
Ha ka jingïakhun kaba ar ka Lumbhahdakha Wahiajer kala jop da 1-0 kol ïa ka Chilliangraij, ïa katei ka shikol na ka Lumbhahdakha Wahiajer la thep da u Balajied Shylla haka minit ba 39.
Katba haka jingïakhun kaba lai ka Giovento Mynso kala jop da 3-1 kol ïaka Mupliang SC, ïa ki kol naka Giovento Mynso la thep da u Albert Lyngdoh haka minit ba 36 bad u Endingborn Lyngdoh haka minit ba 53 & 72. Katba ïa ka shikol na ka Mupliang SC la thep da u Molify Sna haka minit ba 48.
