Wer ka NYK sha ka Nari Shakti Fitness Run
![](https://mawphor.com/wp-content/uploads/2022/07/mawphor-1.jpg)
Jowai, Lber, 05: Kum shi bynta ban pynshlur ïa ki kynthei ha ki kam sport, bad ka mynsiem ieit sport, ka jingbha jong ka met bad ka mynsiem jingïakhun hapdeng ki kynthei ka Nehru Yuva Kendra, Jowai kan sa pynlong ïa ka Nari Shakti Fitness Run ha baroh ki Block jong ka District ha ka 9 tarik mynta u bnai.
Kane ka jingïamareh ka long shi bynta na ka jingrakhe ïa ka International Women’s Day bad ka long ruh ka bynta ban ïoh ïa ka met ba koit ba khiah ïa ki kynthei ki ban tei ïa ka roi ka par jong ka ri India.
Ïa kane ka Fitness Run, ha kawei pa kawei ka Block jong ka District un sa don 25 ngut ki kynthei ki ban shim bynta ha ka ban mareh shiteng Kilometer.
Bad ka NYK kan ïa trei lang bad ki NSS, Ki NCC bad ki bor District.
Ki kynthei kiba kwah ban ïashim bynta ha kane ka jingiamareh ki lah ban register ïalade lyngba ka link jong ka MYBharat portal (www.mybharat.gov.in)
Ka NYK ka wer ïa baroh ki kynthei ba kin ïashim bynta lang ha kane ka jingïamareh ‘Nari Shakti Fitness Run’.