Wer ka NPP ïa ki nongkitkam jong ki Block na Khasi-Jaiñtia sha ka GEC ban long ha ka 7 tarik

Shillong, Jymmang 05 : Ka National People’s Party (NPP) ka la khot la wer ïa baroh ki nongkitkam na baroh ki NPP Block kiba hap ha rilum Khasi – Jaintia sha ka General Executive Council (GEC) kaban long ha ka 07tarik mynta u bnai ha State Central Library, Shillong ha ka por 11:00 baje mynstep.
Katkum ka kyrwoh ba la phah da u Working President, Bah Hamlet Dohling la ïathuh ba kin don bun ki mat ban ïa kren ha kane ka dorbar bah jong ki nongkitkam kiba hakhmat jong ka party na ki block bapher bapher.
Ha kane ka GEC yn donlang ruh naduh u National President Conrad K Sangma kumjuh u State President Bah Prestone Tynsong nalor kiwei kiwei ki nongïalam ka party.