Shillong, Nailur 21: Ka Sur u Paidbah ka Bri Hynñiewtrep (KSUPT7) da ka jingsngewrit ka wer sngewbha ïa baroh ban wan ïasnohkti lang sha ka jingïalang paidbah kaba la rai ban pynlong ha ka 24 tarik mynta u bnai naduh ka por 11 baje mynstep ha madan Malki.
La ong ba kane ka jingïalang ka long ban wanrah ïa ka Sur U Paidbah bad ki jingjia shah pynïap bad shah pynjah klep jong ki mynsiem kiba lui lui kum ka jingjia kaba dang shudep ban jia shen halor ka jingshah pynïap jong i heprit Insaphira Lyngdoh Mawnai bad kiwei de ki jingjia ha kane ka ri Khasi bad Jaiñtia.
Na ka liang ka KSUPT7, sa shisien ka wer sngewbha ïa baroh ban ïadonlang ha katei ka sngi, ong ka kyrwoh khubor ba la phah da u Bah Kyrmenlang Uriah Chairman bad u Bah Alex Nongbet General Secretary.
