Shillong, Nailur, 24: Ka Khasi Indigenous Foundation (KIF) ha ka sngi Baar ka la pyntip paidbah ba kan pynlong biang ïa ka jingïakob rwai online tang da ki jingrwai tynrai ha ka sien kaba ar.
Ha ka jingïakren bad ki lad pathai khubor u Director jong ka Khasi Indigenous Foundation u Bah Niman Shadap u la pyntip ba ka Foundation ka khot bad wer ïa baroh ki paidbah na kylleng ka rilum Khasi bad Jaiñtia ban ïashim bynta ha kane ka jingïakob rwai tynrai kata, da ka ktien Khasi, Pnar, Bhoi, Lyngngam bad ktien maram hynrei yn ym shah satia ban rwai ha ka ktien Phareng.
Ki nongïashim bynta ha kane ka jingïakob rwai online kan long da kaba shu phah ïa ki video kaba jrong tang 3 minute shaneng ryngkat ka riam tynrai. Ïa kane ka jingïakop yn sdang naduh ka 10 tarik Risaw bad yn pynkut haduh ka 20 tarik risaw, 2204. Ki nongïashim bynta ki lah ban phah ha u number 8131803454/9863799299.
Ka Foundation ka la pyntip ruh ba ki nongjop ha kane ka jingïakob kin ïoh khur da ka song pisa bad ki momento.
