Shillong, Naiwieng 15: Ka Balang Presbyterian Mawlong (Sohra Presbytery) ka khot ka wer sngewbha ïa baroh ki parabangeit nong Mawlong kiba shong ba sah shabar jong ka shnong Mawlong kiba dang don kyrteng balang bad ruh ki bym don kyrteng balang shuh ha ka Balang Mawlong sha ka jingpynkyntang ïa ka ïingmane ha shnong Mawlong ha ka 26.11.2023, por 10:30 mynstep bad ha ka jingpynkut noh (Closing Ceremony) ïa ka jingrakhe jingdap 125 snem (Quasquicentennial Jubilee) jong ka Balang ha ka por 1:30 pm.
Kumjuh ka Balang ka khot sngewbha ruh ïa kito baroh ki bym dei ki nong Mawlong kiba dei ki parabangeit ne kiba don ha kiwei kiwei pat ki jingngeit, hynrei kiba la ïa don bynta lem ha ka jingpynmih fund na ka bynta ka jingtei thymmai ïa ka ïingmane kata naduh u snem 2002 ter ter kum kaba ïarap pynïaid lem ïa ki Donors Cards, ka jingïarap ha kaba pynmih ia ki Cassettes, ka jingiarap pyndie lem ia ki Cassettes bad ka jingiarap pisa (Donation)ba kin sngewbha ban ïa wan lang ha katei ka sngi. Kane ka long katkum u kyrwoh lyngba u Bah B P Lyngskor, Secretary, Balang Presbyterian Mawlong.
