Shillong, Risaw 02: Ka long ka jingkmen bad ka jingsngewsarong ïa ka kynhun MMA kaba la mihkhmat ïa ka jylla Meghalaya ha rynsan ïakhun International MMA tournament, Apex Combat, kaba la long ha Dimapur ha ka 30 tarik u Nailur.
Napdeng ki san ngut ki rangïakhun MMA kiba la mihkhmat ïa ka Meghalaya, u Jeff Diengdoh, Gregory F. Sohtun bad u Kedokiteuo Sirie ki la wanphai ïing ryngkat bad ka namjop na katei ka lympung.
Na ka liang jong u Remy Kharshandi, u ba la thmu ban ïakhun khadduh, u la mynsaw noh, kaba la pynlong ïa ki nongpynïaid ban pynsangeh. Na ka liang jong u, u la pynpaw ba u khlem shym la kwah ban pynkut da kumne.
“Nga sngew ba nga hap ban koit shuwa bad pyrkhat biang ïa ka rai la kane ka dei ka jingïakhun ba khadduh. Ym don mano mano ruh ba kwah ban pynkut da kumne. Nga tharai, sa shi sien pat…” u la ong. U Remy Kharshandi u la hap ban phah puid ïa ka kti ba mynsaw ha ka 5 tarik u Risaw.
Haba phai pat sha Darren Kharshandi (National Champion), kane ka dei ka sien sdang ïa u ban jam ha rynsan ïakhun Professional MMA hynrei u la mad ïa ka namrem lyngba ka split decision katkum ka jingbishar, kaba la pynlyngngoh ïa ki nongpeitkai, kiba la kyntait halor kane ka rai.
ïa kane ka kynhun ki rangïakhun MMA na Meghalaya la ïalam da u Isaiah Kharmawphlang kum u coach ryngkat bad u Reuben Lulam and Echwamida O Phawa.
