Wan phai ïing 24 ngut ki khynnah skul na Karnataka bym biang ka jaka sah, ka bam bad skul

Shillong, Nohprah 02: Ka Directorate of Social Welfare, ka sorkar jylla hynne ka sngi ka pdiang sngewbha ïa ki 24 ngut ki khynnah kiba la wanphai na Chikkaballapur district kaba ha Karnataka. Kine ki khynnah ki la poi da kaba suk bad hapdeng ki jingïada ha Shillong bad la pdiang sngewbha ha ophis ka Directorate ha ka jingïadonlang ki heh ophisar na kiba bun ki nongmihkhmat na ki seng ka hok jong ki khynnah.
Ka Chairperson jong ka State Commission for Protection of Child Rights (SCPCR) Agatha Sangma, ka la kren ha kane ka jingïalang, bad ong ba ka jingwanphai jong ki khynnah kadei ka pdeng jong ka jingleit jingmut jong ka prokram ha kane ka sngi. Ka la pynlong ka jingïaroh ïa ki tnat bad ki agency ha baroh Karnataka bad Meghalaya kiba la shim ïa kane ka jingpyrshang ban pynthikna ïa ka jingwanphai jong ki khynnah sha la ïing da ka met ba koit bakhiah.
Ka Sangma ka la pynpaw ka jingsngewkhia ïa ka jingkiew ki case bapyndonkti ïa ki khynnah ban ïalam shabar khem ki jingïaid lyngba ki kam. Ka la pynpaw ïa kine ki jngjia ha ki khyndiat bnai ba la dep ha kaba ïa ki khynnah na Meghalaya la ïalam khlem da tip ki heh ophisar, kumta ka la banjur ïa ki jingïada kiba khlaiñ ban don ha ki jaka. Ka la pyntip ba ka SCPCR ka la thoh sha u Myntri Rangbah ban ïoh ki jingmynjur ban thaw noh ïa ka Standard Operating Procedure (SOP) ban ïalam ïa ki khynnah kiba hapoh 18 snem sha ki jaka pule kiba shabar jylla. Ka jingmynjur ba la pynbud da ka jingïalang ki riewshem phang ba pynbud ruh bad ki ophisar. Na ka law, social welfare, education, health, bad ka tnat police.
Kane ka jingtyrwa ïa ka SOP, batai ka Sangma, kan pynthikna ïa ka jingtreikam kaba khuid bad ka jingïatreilang kaba jan na ki District Child Protection Officer, ban ïoh ki jingthoh jong ki khynnah bad ki jaka pule kiba pdiang ïa ki, nam pynithuh jong ka aiñ ïa kito ki jaka pule, halor ki jingthmu bad ka por sah jong ki khynnah, bad ka leh ïa ka medical examination kaba kongsan ha shwa ban leit jingleit. Kadei ban don ka jingïakren hapdeng ki DCPO jong baroh ar ki jylla ban lap ïa ka bha ka miat jong ki khynnah.
Ka Sangma ka la banjur ïa ka jingdonkam na ka bynta ki kmie ki kpa ba kin ïoh jingtip bad jingpeitngor. ïa kane ka la ong ha ka jingïasyllok bad ki longïing kiba jong ki khynnah kiba shah ktah, bad ong ba bun na ki kmie ki kpa kim tip ïa ki kyrteng jong ki jaka jong ki jaka pule kiba lashah ïa ki khun jong ba la phah. Ka la kyntu ïa ki kmie ki kpa ba kin pynthikna pura ïa ka leit ka wanjong ki khun jong ki.
Katba ka Director of Social Welfare, ka kong Camelia Doreen Lyngwa, ka la ong ba ka tnat ka ïoh jingtip ha u bnai Nailar ïa kane ka case. Ka la ong bun naki khynnah ki wan na ki longïing kiba kyrduh, ban ïoh ki ïing kiba don ki lad jingïada. Ka Lyngwa kala bynrap ba ki kmie ki kpa ki la kyrmen ban ïoh ki jaka pule kiba bha na ka bynta ki jaka pule shabar ka jylla. Hynrei ka DCPO jong ka Chikkaballapur ka la shem ba ki lad ki lynti ha kaba ki khynnah ki sah ki long kiba duna bad khlem register bad ka sorkar Karnataka, ha kaba kane ka wanrah ka jingsngewkhia kaba kongsan.
Ka la bynrap ba ka technology ka la leh ïa ka kam kaba kongsan ban don ka jingïakren bad ban pynthikna ïa ka jingwan phai kaba ïaid beit ïaid ryntih jong ki khynnah sha Meghalaya.