Shillong, Naiwieng 21 : Ka Meghalaya ka la bteng mad nam rem ha ka lympung ïalehkai Vijay Hazare Trophy da 296 ron ha ka Rajasthan ha ka jingïalehkai hynne ka sngi Nyngkong ha Kolkata. Ka Meghalaya ha kane ka jingïalehkai ka la jop ïa ka jingkynting pisa bad kawang bol nyngkong, hynrei ka Rajasthan ka la kamai haduh 390 duh noh tang 4 wicket ha baroh ki 50 over, ha kaba ka Meghalaya ka la kamai tang 94 ron bad duh noh baroh ki wicket.
Ki rangkawang bol ka Meghalaya kiba la ïoh wicket ki long u Rajesh Bishnoi (1/53), Sylvester Mylliempdah (1/64) bad u Abhishek Kumar (1/89), katba shi wicket la ïoh da u Wanlambok Nongkhlaw lyngba ka run out. Haba wan beh ïa katei ka ron, ka Meghalaya ka khlem lah ban tied bol bad dei tang u Lerry Sangma uba kamai bun ron da 20 ron, bud pat sa u Yogesh Tiwari (18), Riboklang Hynniewta (11) bad u Mylliempdah (10).
Mynta ka Meghalaya kan pynkhreh ban ïakhun khatduh pyrshah ïa ka Sikkim ha ka sngi Balang.
