Shillong, Nohprah 16: Ka khubor ba la ïoh na ki pulit la ïathuh ba u Arpit Agarwala u la phah ka jingujor ba ha ka 11 tarik mynta u bnai ha ka por kumba 2 baje mynstep, ka la tnum ïing jong kawei ka dukan jong u kaba la ai kyrteng da ka ‘Hotel Café’ ka la kem ding na kawei pat ka jingtei kaba marjan kaba don ha Police Bazar, Shillong bad kane ka jingjia ka la wanrah ka jingjulor ïa ki CCTV cable jong u bad kumjuh ruh ka tarpaulin, nalor kiwei kiwei pat.
Ha kane ka jingjia kam shym la don kano kano ka jingjia kaba sngewsih. Une u nongujor u la ong ba kum kine ki jingjia ki la ju ïai jia mynta la 3 haduh 4 sien ha ki por ba la leit bad halor kane utei uba ujor u la kyrpad ruh ïa u trai katei ka building ba un peit bha ïa kane ka kam. Hynrei u trai katei ka building, la kynnoh ba um pynsngap satia ïa katei ka jingkyrpad jong u.
Ha kawei pat ka jingjia ki pulit ki la ïathuh ba u Bah Manshailang Surong u la phah ka jingujor ba ha ka 10 tarik mynta u bnai ha ka por kumba 11.30 baje nohphai sngi, ki runar bym lah ban ithuh ki la tuh ïa ka scooter jong u kaba don u nombar ML-05Z-8190 ba Polo, Shillong.
