Ujor lai ngut ki kyrtong ba lah ban mih jingkulmar 3 tylli ki Polling Station

Jowai, Rymphang, 20: Lai ngut ki kyrtong na Saphai-Sahsniang Constituency ki la buh da ka jingujor ha ka sngi Palei ha u Returning Officer ha kaba ïadei bad ki lai tylli ki Polling Station kiba lah ban don ha ka jingmih jingkulmar.
Kine ki lai tylli ki Polling Station kiba kynthup ïa ka Mooshrot – A, Mooshroot-B bad ka Iooksi Kyanmynsar Thlongmoo.
Kine ki lai ngut ki kyrtong ki la kyrpad ïa u Returning Officer ba un shimkhia ïa kane ka jingujor na ka bynta ki lai tylli ki Polling Station, khnang ban lait na kino kino ki jingshah lehbor bad ka jingthep vote bad ban khmih ba kan long kaba ïaidbeit ïaid ryntih ha ka sngi thep vote ha ka sngi Thohdieng.
Kine ki kyrtong lai ngut ki kynthup ïa u kyrtong ka Congress Bah Rikut Parien, u kyrtong ka UDP Bah Fernando Sumer bad u kyrtong ka VPP Bah Thiyovan Lapasam.