Shillong, Naitung 14: Ka khubor ba la ïoh na ki pulit la ïathuh ba u Bah Edwanlang Riwah u la phah ka jingujor ba ha ka 6 tarik mynta u bnai ha ka por kumba 10.30 baje mynmiet, ki runar bym lah ban ithuh ki la tuh ka mobile phone jong u napoh ka kali kaba don u nombar ML-05U-3080, kaba la pynïeng ha Police Bazar, Shillong.
Sa kawei pat ka jingjia kawei ka longkmie ka la phah ka jingujor ba ha ka 12 tarik mynta u bnai u ba shi para jong ka u la tuh ïa ka LPG cylinder napoh ka ïing sah jong ka kaba dang hap ha Rynjah PS, Shillong.
