Shillong Lber 31: Ka khubor ba la ïoh na ki pulit la ïathuh ba uwei u nongshong kaba hab hapoh ka Upper Lachumiere, Shillong u la phah ïa ka jingujor ba ha ka 13 tarik u Rymphang, 2024 ha ka por kumba 11.30 baje mynstep, uwei u ba kyrteng u Deo Kumar Rai u la shim wai ïa ka kali Hyundai Verna jong u da kaba kular ban wanrah biang hapoh ka 2 kynta hynrei u khlem da lah ban pynpoi ha katei ka por. Ha kaba ïadei bad kane na ka liang ki pulit ha ka 15, tarik mynta u bnai ki la ïoh bat ïa katei ka kali ha ryngkatlang bad uba la shah kynnoh ha Polo, Shillong. kham hadien utei uba la shah kynnoh u la kynnoh kylla ïa utei uba la ujor.
