Ban tem ïa ka jingkhluit phi donkam ban pynneh ka jingpynbiang um ha ka met na ka bynta baroh shisngi lynter. Lait na ka jingdih shibun ka um ka long ruh kaba donkam ban bam ki jingbam kiba lah ban wallam ka jinglong pyngngad ha ka met.
Kane ka aïom ka dei kaba phi lah ban ïoh bunjait ki soh bad ki jhur kiba dap da ka jingdon ka um. Ka long kaba donkam ban pynkylla halor ka rukom bam ba phi bam bad ka rukom im balah ban ïakhun pyrshah halor ka jingkiew ka jingshit. Ka jingkynthup lang u sohkhia bad u pudina ka dei kaba lah ban ai shibun ki jingmyntoi.
U sohkhia u dei ban long u jingbam ba kongsan napdeng ki jingbam ba phi bam ha kane ka lyiur. Kumba 96 percent ha u sohkhia ka kot ka jingdon da ka um. U don ruh kiba bun ki bynta bal ah ban ai jingmyntoi kiba phim dei satia ban kiar. U lah ban pynneh ka jingbiang um ha ka met. U sohkhia u dei uba lah ban ai shibun ki jingmyntoi kum ka jinghiar ka jingkhia, ka koit ka khiah u klongsnam bad pynbiang ka jingdon ka shini.U sla pudina ruh u dei uba lah ban pynneh ka jinglong pyngngad. Kine ki sla ki dei kiba don ka jingmad kaba lah ban wallam ka jinglong pyngngad. Ki sla pudina ki dei kiba bha bad ai jingmyntoi halor ka jingtylliat jingbam bad lah ban pynduna ki dak jingshitom jong ka jingsuhkhriat.
Ki sla pudina bad u sohkhia ban tem ka jingshit : U sohkhia bad ki sla pudina ki dei kiba phi lah ban khleh lang na ka bynta ka jingdih kaba lah ban wallam ka jinglong pyngngad. Kine ki dei kiba lah ruh ban sait pynkhuid hapoh ka met. Hapoh shi bilor ka um phi lah ban khleh ki sohkhia ba la dep ot slice bad ki soh ne ki sla pudina. Phi lah ban dih kane ka jingdih ha baroh shisngi lynter bad pyndap biang lada donkam. Kane ka jingdih ka dei kaba ïarap ruh na ka bynta ka jinglah ban pynduna ka jingkhia.
