Ka jingeh kpoh ka dei kawei napdeng ki jingthut ba shah ktah ha ka liang ka koit ka khiah ba sakhi hapdeng kiba bun. Katkum ki lad jingsumar naduh ki por barim bajah la kdew ba kane ka jingshitom ka wanjia lada jur ka jinglong pjah bad ka jingtyrkhong kaba pynthut ka Nierbah bad pynthut ka jinglah ban treikam bha jong ka. Ka jingmad kane ka jingeh kpoh ka dei kaba ym ai jingsuk bad don ruh ka por ba wallam ka jingsngew shitom. Na ka daw ka jingbunkam ha ka jingim ba khim por jongngi, ka lah ban long ka daw ka jingmad kane ka jingshitom.
Kawei napdeng ki daw ba kham kynrei halor ka jingmad kane ka jingshitom ka dei ka jingim ba jur palat ka jingshong sah hajuh, ka jingjied ban bam ki jingbam kai bad dih kyiad, ka jingdih sikret ne ka jingbam shaba palat. Ki don bun ki briew kiba shah ktah na kane ka jingshitom ki don ka jingsngew dap bad ka jingbym don satia ka jingsuk hapdeng bay m lah ban pynlait bha ka jingleit khyndew. Hynrei phim dei ban don ka jingsngew tieng! Ka jingjied ban bam ki jingbam ba riewspah ha ka jingdon ka fibre ka dei kaba lah ban pyllait na ka jingeh kpoh. Ki jingbam ba riewspah ka jingdon ki soluble fibre ka ïarap halor ka jingpynsuk bad pynmih ka jakhlia na ka met.
Ki Soh Apul ki dei kiba riewspah ha ka jingdon ka pectin fibre, kiba la ju tip ba ki dei kiba lah ban ïarap ban pynduna ka jingkjit ka met ïa ka jingjur ban don ki fat. Kane ka ïarap ban pynneh slem ka jinglong kdang. Ka Fibre ka dei kaba slem ban lah ban tylliat, kaba pynneh sah ka jinglong kdang bad khanglad halor ka jinglong rhah ban kwah ban bam ki jingbam ba jur ka khleiñ bad ka shini.Ha ka jingneh slem ha kane ka liang ki dei kiba lah ban ai jingmyntoi pat ban lait na ka jingeh kpoh bad ai jingmyntoi ruh ban pynhiar ka jingkhia. Shuh shuh la kam ba ka jingkynthup ban bam kine ki soh ha ki jingbam ba phi bam manla ka sngi ki dei kiba lah ban pyllait na ka jingshitom ba ktah ha u klongsnam.
Une u soh uba dap da ka jingdon ka pectin fibre, ka pectin ka don ka bor kaba kham pher, kaba lah ban ai jingïarap lang na ka jingeh kpoh bad lada don ka jingleh thlia kpoh, kaba treikam katkum ka jingdawa jong ka met. Wat hapdeng ka um jong une u Soh ruh ka dei kaba lah ban ai jingmyntoi ha kiba bun ki liang ka koit ka khiah. Ka um jong u Soh Apul ka ïarap ban ïakhun pyrshah ka jingeh kpoh namar ka don ka sorbitol, kaba ïarap halor ka jingpyntyllun ka jingtreikam ba ïadei bad ka jingtylliat ki jingbam. Ha kajuh ka por ruh ka don ka iron kaba ai jingmyntoi ha kiba bun ki liang ka koit ka khiah.
Ka jingeh kpoh ka lah ban wanjia ha kiba bun ki rukom. Ka lah ban jia tengkhat, ka jingeh kpoh kaba pynshitom jur, ka jingeh kpoh na ka jingleit lynti jngai ne hapdeng ba la noh ka rta. Lait na ka jingleit lynti jngai, ka rta bad ka jingarmet ki don kiwei de ki daw bal ah ban wallam kane ka jingeh kpoh.
Ki daw ha lyndet ka jingeh kpoh: Ka jingkylla halor ki jingbam ba ngi bam: Ka jingjied ban bam ki jingbam ba jur ka umphniang ban ki jingbam ba ngi ju bam manla ka sngi ki dei kiba lah ban long ka daw halor kane ka jingeh kpoh. Ki don katto katne ki jingbam kiba lah ban wallam kane ka jingeh kpoh ; kiba kynthup ki jingbam ba jur ka fat ne ki jingbam ba la pynkhreh lypa, ka kyiad ne lada jur palat ka caffeine.
Ka jingduna um ha ka met: Ka jingdih kumba ar litre ka um ka long kaba kongsan. Ha ki sngi ba phi duna ka jingdih um phi lah ban mad kane ka jingeh kpoh. Kumjuh ruh phi donkam ban tip ba ki jingdih kiba jur ka jingkhleh shini ki dei kiba ym kynthup ha kane ka jingdih ba ai jingmyntoi ïa ka met namar kine ki lah ban nang pynjur pynban ka jingeh kpoh.
Ka jingduna ban kilan met: Ka jingduna ha ka jingkilan met bad ka jingjur ban shu shong sah hajuh ka dei kaba lah ban pynsuki halor ka jingtreikam ka met ban bret ï a ki jakhlia. Bad kane ka lah ban pynthut halor ka jingtylliat jingbam, bad lah ban long ka daw halor ka jingeh kpoh.
Ka jingdih dawai: Ka jingdih dawai ka lah ban pynsangeh ka rukom treikam ha ka met bad long ka daw ba wallam ka jingeh kpoh. Wat ki dawai vitamin bad iron ki dei kiba lah ban wallam ka jingthut bad lada phi mad kum kane phi donkam ban leit pyni doctor.Lait na ka jingbam ki soh Apul, ka long kaba donkam ban pynneh ka jingshong um ka met manla ka por ban pyllait na ka jingeh kpoh khlem da biang ka um ka jakhlia kam lah satia ban long kaba jem bad suk ban mih na ki snier. Ka jingduna um ka long ka daw ba hakhmat ba wallam ka jingeh kpoh.
