Shillong, Nailar 28 : Ki rang bad thei ïalehkai Wushu jong ka jylla hapoh ka kynhun Meghalaya Wushu Association (MWA) ki la mih na la ka jong ka jylla ban leit leit shim bynta ha ka 21st National Wushu Championship (boys/girls) ka ban long ha Calicut Kerala naduh ka 5 tarik haduh 10 tarik Nailar 2022.
Ki nongïalehkai jong ka jylla kiba leit ban ïashim bynta ha katei ka lympung ha Kerala ki don 19 ngut kynthup shynrang bad kynthei ïa kaba la ïalam da u Bah Pynshai mawrie bad kong Lorenza Songthiang kum u coach ha ryngkat Bah Niawki Ïakai uba dei u National Refree bad u President jong ka Meghalaya Wushu Association (MWA) Bah Donney R. Ranee.
Na ka liang ka Association ka kitbok kitrwiang ïa kitei ki nongïalehkai ba kin wan rah ïa ka jing jop ban wanrah nam bad burom ïa jylla bad kumjuh ruh ïa ka Ri bad ka Jaitbynriew hi baroh kawei.
