Shillong, Jylliew 03: Uwei u nongshong shnong ba na Assam u la phah ka jingujor ba ha 27 tarik u Jymmang, u la ïohpdiang ka jingshah phone haba ïadei bad ka kam ban thied ïa u kwai. Nangta ha ka 28 tarik u Jymmang, ma u bad arngut ki paralok ki la leit sha Doldegre (WGH), ha ka kali lai shaka kaba don u nombar ML-08F-3565 bad haba poi ha 8th Mile (WGH), utei uba phone u bym lah ban ithuh u la shonglang ha katei ka kali. Hynrei kham katto katne por utei u briew bym lah ban ithuh ula pynsangeh ïa ka kali jong ki bad ha kajuh ka por, kumba 7 ngut ki runar bym lah ban ithuh ki la shoh ïa utei uba la ujor bad ïa ki paralok jong u bad ki la knieh ruh ka pisa kaba la kot T. 75,000/- bad kumjuh ruh ïa ki mobile phone na ki.
