Shillong Nailur 22: Ka sorkar pdeng ka la thung ïa u Air Marshal Amar Preet Singh, PVSM, AVSM, u ba dei u Vice Chief jong ki Air Staff, ban shimti ïa ka kam kum u khlieh duh jong ki shipai suiñ ha ka kyrdan u Air Chief Marshal.
U khlieh shipai suiñ ba thymmi un shimti ïa kane ka kam ha ka 30/Nailur/2024 nohphai sngi, la ong ba une u khlieh shipai suiñ ba mynta u Air Staff Air Chief Marshal Vivek Ram Chaudhari, PVSM, AVSM, VM, ADC un sa shongthiat na ka kam ha ka 30/Nailur 2024.
U khlieh duh ki shipai suiñ ban sha shimti shen la ong ba la kha ïa u ha ka 27/Risaw/1964 bad u la rung ha ka kam shipai suiñ kum u nongniah lieng suiñ ïa pom ha u Nohprah 1984 bad la don ha kane ka kam mynta la 40 snem bad u la trei ha ki kyrdan bapher bapher wat sha bar jong ka Ri India ruh.
La pyndep ïa ka jingshah hikai kum shipai na ka National Defence Academy, Defence Services Staff College bad National Defence College, bad kum u shipai suiñ u la pynher ïa ki lieng ïapom 5,000 kynta baroh jong ki lieng suiñ ïa pom ba bun jait naduh ki MIG-29 kiba ka India kala thied na Russia.
