Shillong, Naiwieng, 23: Arngut ki briew ki la mynsaw jur hadien ba kawei ka Scooty kaba ki shong kaba don ïa u nombar ML05AB 8875 ka la shah tynrah ha kawei ka kali Bolero kaba don ïa u nombar ML04-B 5829 kaba la pynher stet bha.
Kane ka la jia ha ka shnong Sohra Rim bad ïa kine ki arngut kiba la mynsaw la pynkit noh sha CHC Sohra ban ïoh ïa ka jingsumar.
Tad haduh ka por ba la pynkit sha CHC Sohra, kine ki arngut kim pat pat tip briew satia bad u nongñiah jong ka Bolero u la phet krad na kane ka jaka hadien kane ka jingjia.
Kat haduh ba la thoh ïa kane ka khubor ym pat lah satia ban ïoh jingtip shaphang ka kyrteng bad ka jaka sah jong kine ki arngut kiba la mynsaw.
