Shillong, Naitung 03: Ki pulit ki la ïathuh ba u Bah Nanglamlin Rynjah u la phah ka jingujor ba ha ka 1 tarik mynta u bnai ki runar bym lah ban ithuh ki la tuh haduh 5 tylli ki battery ba la buh hapoh ka SBI ATM Kiosk, Madanrting, Block-F, Shillong.Shuh shuh ki pulit ki la ïoh jingtip ba ha ka janmiet jong ka 1 tarik mynta u bnai ki runar bym lah ban ithuh ki la pynjulor ïa ka jingkhang ïit jong kawei ka kali hapoh Dhankheti, Shillong bad ki la tuh ïa ka hard drive. Ha kawei pat ka liang ki pulit ki la ïoh jingtip ba ha ka janmiet jong ka 1 tarik mynta u bnai ki runar bym lah ban ithuh ki la pynpait ïa kawei ka ïit kali kaba la pynïeng hajan ka Seven-Day Adventist Church, Shillong bad ki la tuh kawei ka laptop.
