Shillong, Ïaïong 19: Shuh shuh ki pulit ki la ïathuh ba u Bah Manbhalang Mawkhiew u la phah ka jingujor ba ha ka 10 tarik mynta u bnai ha ka por kumba 5 baje mynstep, ki runar bym lah ban ithuh ki la tuh ïa ka thuk thuk jong u kaba don u nombar ML-05AC-0254 napoh ka ïingsah jong u kaba ha Umkdait Nongmensong, Shillong.
Ha kawei pat ka jingjia u Bah Khrawborlang Warjri uba na Nongktieh Manai Dong Wahlulu (EWKH) u la phah ka jingujor ba ha ka step jong ka 10 tarik mynta u bnai ki runar bym lah ban ithuh ki la tuh kawei ka masi kaba shongdor kumba T. 4 lak.
Shuh shuh ki pulit ki la ïathuh ba President ka VWSC Pakregre Chijong Apal (EGH) u la phah ka jingujor ba ha ka 8 tarik mynta u bnai, ki runar bym lah ban ithuh ki la tuh ïa 2 tylli ki solar plate ba la pynïeng hapoh ka Jal Jeevan Mission napoh ka shnong.
