Jowai, Nailur 17: Ka Nartiang Mainroad, Thadmynri SC bad ka Phyllonginkhaw Unity ki la jop ïa la ki jong ki jingïalehkai jong ka lympung phutbol (L) Joybell Suiam Memorial Football League 2026 haka kyrdan Second Division bala pynïaid da ka Thadlaskieñ Sport Association, ba la long hynne ka sngi Palei (17 tarik u Nailur, 2026) ha madan Wahiajer Multi Sports Complex Stadium.
Ka Nartiang Mainroad ka la pynjemkhnap haduh 8-0 kol ïaka Tympang SC ha ka jingïakhun kaba nyngkong. U Ebanskhem Nongtdeh (4, 15, 35’) u la long u namtam da kaba thep hat trick, nangta u Khlan Nongtdeh (37 & 61’) bad u Shanlangki Nongtdeh (59 & 64’) ki la pynkhihjar mar ar sien, katba u Pele Dkhar (10’) u la thep kawei ka kol.
Nangta ha ka jingïalehkai kaba bud, ka Thadmynri SC kala jop da ka said da tang 1-0 kol ïa Mupliang RC Dreaming, bad ïa kane ka namtam la thep da u Micheal Suting haka minit ba 27 jong ka kylla step.
Haba phai pat sha ka jingïakhun kaba khatduh, ka Phyllonginkhaw Unity FC kala pynliem noh da 2-1 kol ïa Lumkhudung SC. Ka Phyllonginkhaw Unity ka la lamkhmat dang kloi mar ïa sdang lyngba u Shanborlang Sumer (1’) bad u Juhki Suting (4’). Ka Lumkhudung SC ka la pynphai shi kol lyngba u Oliverjoy Muruh (9’).
La pyntip ki jingïakhun ha kane ka sngi Thohdieng (17/09/2026) ki long: Por 10 baje mynstep ka Momer SC pyrshah ïaka Ryntih Mynsngat; Por 12 baje mynsngi ka Madansynrang pyrshah ïaka Mukhla Nongrim; Por 2 baje nohphai sngi ka Thadmusem pyrshah ïaka Iawpynsin.
