Jowai, Nailar 20: Ka Maskut SC bad Mainroad SC Wahiajer ki la khur ïa ka jingjop hala ki jong ki jingïalehkai jong ka lympung (L) Joybell Suiam Memorial Football League 2026 haka kyrdan Second Division, bala pynïaid da ka Thadlaskieñ Sport Association, kiba la long hynne ka sngi Palei (20 tarik u Nailar, 2026) ha Wahiajer Multi Sports Complex Stadium. Kawei pat ka jingïalehkai ka la kut ha ka jingïakhaid.
Ka shi kol jong u Phrangsngi Ryngkhlem (10’) ka la paw ba ka la biang ïa ka Maskut SC ba kan pynliem da 1-0 ïaka Madur SC ha ka jingïalehkai ba nyngkong.
Ha ka jingïakhun kaba ar, ka Mainroad SC Wahiajer kala jop suk da 3-0 ïaka Niriang Pdienlum, ha kaba u Chelang Laloo (28’), u Hopefulson Talang (44’) bad u Heihok Dkhar (50’) ki la pynkhihjar mar shi sien.
Nangta ka jingïakhun kaba lai hapdeng ka Iawthymblein SC bad ka Mukhla Sohshrieh ka la kut ha ka jingïakhaid da mar 2-2. U Paitmiki Sari (5’) bad u Dawyo Suna (17’) ki la pynkhihjar na ka bynta ka Iawthymblein SC, katba naka liang ka Mukhla Sohshrieh la thep da u Elbious Sari (2’) bad u Odawanmi Lyngdoh (51’).
Ki jingïakhun ha kane ka sngi Thohdieng (21/08/2026); haka por 10 baje mynstep ka Goodwill FC Mupliang pyrshah ïaka Madansynrang SC, nangta haka por 12 baje mynsngi ka Youth Sport Club Myrsiang pyrshah ïaka Lumkhudung SC, bad ha ka por 2 baje nohphai sngi ka Lumkynsaw SC pyrshah ïaka Ryntih FC Mynsngat.
