Mairang, Nailar 10 : Na ka bynta ka jingshngaiñ bad ban lait na ki jingmynsaw jur lada aksiden, ka tnad pulit jong ka Eastern West Khasi Hills district lyngba u kyrwoh ba la pyllait da u bah Maxwel B. Syiem IPS Superintendent of Police Eastern West Khasi Hills District, ba yn pyntreikam pura ïa ki kyndon aiñ na ka bynta ki nongñiah bad ki kali la ki dei ki kali ar shaka, lai shaka saw shaka bad baroh ki jait kali.
U bah Syiem u la ong ruh ba ki pulit pynïaid kali kin pynlong ïa ka jingïaid patrolling ha baroh kawei ka distrik bad kumjuh ruh kan buh da ki jaka talasi ha ki bynta baphre bap her jong ka district.
Nalor kata u la ong ruh ba baroh ki ba ñiah kali ar shaka ki dei ban kynmaw ban phong da ki jingda khlieh kiba biang (helmet). Ki nongñiah kali lai bad saw shaka ki dei ban kynmaw ba kim bit ban pyndait da ki tyndong pynmih tdem kiba sawa jam, pyndonkam da ki light kiba thaba, ki jingpynpah horn kiba khyllah ne ban tah da ki ïit ïong ïa ki kali.
La kyntu ruh ïa baroh ki nongñiah kali ba kin ai ka jingïatreilang na ka bynta ka jingshngaiñ ka jong ki ha ka leit ka wan. Lada lap ïa kino kino kiba pynkheiñ ki pulit kin pynshitom katkum ki kyndon aiñ ñiah kali ba la pynmih da ka sorkar lyngba ka Motor Vehicle Act.
