Nongpoh, Lber 20: U jumai kai ba 8.3 Magnitude mynta ka sngi u la khynñiuh haka thaiñ Nongpoh haduh ba bun na ki iing ki sem, ki skul, kila khyllem kaba la wanrah ruh ka jingïap briew ba shyrkhei bad ka jingmynsaw jong spah ngut ki paidbah haka State Level Mock Drill ba la pynlong da District Disaster Management Authority Ri Bhoi District, haka jingsnohkti lang bad ka National Disaster Management Authority Ministry of Home Affairs kum ka jinghikai kumno ban long ki ba la khreh ban ïada ïalade bad ïa kiwei ruh lada ka wan jia shisha ka jingkhynniuh jumai ne kino kino ki jingpynjulor ka mariang.
Utei u jumai ula khie haka por 9:30 baje eiei mynstep bad bun na ki jaka kila julor bad wanrah ruh ka jingtwa khyndew kaba shyrkhei kaba la pynlong ruh ïa ka bor synshar district, ki pulit, ki shipai, ki jaka sumar ban bunkam ban ïarap ïa ki briew kiba shah ktah bad mynsaw ha katei ka jingjia.
Ha katei ka Mock drill la sakhi ruh da ka jingsnohkti lang bad shim bynta shitrhem naduh ki pulit, Fire Service, NDRF, SDRF, NHAI, NEPA, ki tnad sorkar bapher bapher, ki jaka sumar bad kiwei kiwei.
