Ther u lapbah, syllad u phria kylleng ki shnong, khyllem u Post Electrict hajan FCI

Shillong, Lber, 23: U lapbah lapsan uba la wan ryngkat bad phria ha ka shiteng sngi jong ka 23 tarik, Lber, 2025 u la lynshop ha kylleng ki shnong ka East Khasi Hills District bad kiba bun na ki shnong ki la sakhi ïa kane ka jinghap jong u phria ha kaba sdang jong ka aiom pyrem ha une u snem 2025.
Ka jinghap phria ka la neh kumba kumba katto katne kynta eiei bad bun na ki shnong kiba la sakhi ïa ka jinghap jong u phria uba heh kat ki mawria.
Ka shnong Mawlai Mawiong, ka Mawreng, ka Laitpynter, Marbisu bad Kreit, East Khasi Hills la sakhi ba ki la shu lieh hi shaid na ka jinghap jong u phria. Ha ka shilynter ka surok GS Road ha ka thaiñ Mawlai ter ter shaduh Damsite ka surok ka la lieh hi shaid na ka jinghap jong u phria kat haduh ba ka la pynsyrtok ïa ki nongniah kali namarba ki hap ban niah husiar na ka jingsyntuid jong ka surok.
La ïoh jingtip ruh ba ha ki thaiñ Umroi, Bhoirymbong ka jinghap jong u phria ka la jur bha.
Ka jingther jong u lapbah lapsan bad ka jingpaswut jong ka lyer kaba jur ka la kdiah jubor ïa ki tnat dieng kseh kiba heh kiba la hap halor u post elekctric High Tension hajan ka FCI, Mawroh uba la khyllem hapdeng surok.