Thaw ka DLSA-EJHD ïa ka Special Cell ha Uttarakhand University, Dehradun ban ïarap ïa ki samla pule

Khliehriat Nailar 25: U Secretary, District Legal Services Authority (DLSA), East Jaiñtia Hills District u pynbna paidbah ba ka la thaw ïa ka Special Cell ha Uttarakhand University, Dehradun na ka bynta ki khynnah pule kiba na ka thaiñ Shatei lam mihngi kiba pule ha ki skulbah University, kane kan iarap ïa ki khynnah pule ha ki kam kiba ïadei bad ka aiñ, kan ïalam lynti bad kan ai ruh ka jingkyrshan ha kino kino ki kam kiba ïatyngkhuh bad ka aiñ.
Kane ka synjam ba la shim da District Legal Services Authority (DLSA), East Jaiñtia Hills District ha kaba la shim bad pdiang da ka Uttarakhand State Legal Services Authority (UKSLSA), halor ka jingiakren kaba ha ka jingïalang kaba 24 lane ka 24th Annual General Meeting kaba la long myn ha ka 21 tarik u bnai naitung 2026.
Kane ka Special Cell kan iarap ïa ki khynnah pule kiba na ka thaiñ satei lam mihngi kiba pule ha Uttarakhand ba kin dup tip ba ka la don kane ka Sepcial Cell khnang ba ki samla pule kin tip bad shai ïa ka aiñ bad ki jingïarap kiba ïadei bad ka aiñ, kin tip ba don ruh ka jingïasyllok lane counselling bad kiwei kiwei ki lad jingïarap ban kyrshan lem ïa ki.