Nohprah 18: Ha ka jingpyni ïa ka jingkyrshan ki paidbah, ka Vikasit Bharat Sankalp Yatra ka la kot sha u mawmer ba kyrpang, da ka jingtam 2 klur ki nongïashim bynta tang ha ka shi bnai duna. Kane ka jingkiew kynsan ka pyni ïa ka jingktah ka Yatra bad ka jinglah ban ïatylli lang ki million ngut ha kawei ka thong jong ka roi ka par.
Ka jingkiew ka bor jong ka Yatra lah ban ïohi na ka jingkot shi klur ha ki 22 sngi bad sa shi klur tang ha ki 7 sngi. Kat nang mih ki sngi, ka Yatra ka la nang ïar bad bteng ban khring ïa ki paidbah, bad ka dang bteng ïa ka jingseisoh jong ka.
Ka Yatra ka la poi jan 60,000 tylli ki Gram Panchayat, kaba plie lad ïa ka roi ka par bad ka jingkiew shaphrang ha baroh ki bynta jong ka ri. Hapoh ka por ba lyngkot, ka Yatra ka la long kaba seisoh ha kaba palat 1.6 klur ki nongshong shnong ki la shim ïa ka Sankalp ban trei na ka bynta ka Vikasit Bharat hashuwa u snem 2047.
Kum shi bynta ka sienjam jong ka “Meri Kahani, Meri Zubani” jong ka Yatra, palat 1.30 klur ngut ki briew ki la ïathuh ïa la ki jingshem shimet jong ki, da kaba pyni ïa ki jngshem jong ki briew bad ki jingangnud jong ki na kylleng ka ri.Ka bha ka mïat jong ki nongshong shnong kaba long ka phang pdeng jong ka yatra, la pynlong ïa ki health camp ha kylleng ka ri bad haduh mynta, ladep eksamin palat 42 lak ngut ki briew.
Kawei ka ri, Kawei ka jingïaid lyntiKa Yatra ka dei kaba la pdïang ha baroh ki thain, bad ka dei ka lad na ka bynta ka jingpynpoi ïa ki jingshakri jong ka sorkar bad jingkyrshan, da kaba poi wat sha ki jaka kyndong kynshrot.
Ha ka lïang ka jingïashim bynta, ka Uttar Pradesh ka la long kaba lamkhmat da ka jingdon jan 80 lak ngut ki nongïashim bynta, bud sa ka Maharashtra palat 29 lak ngut ki nongïashim bynta, bad ka Gujarat palat 23 lak ngut ki nongïashim bynta.
Ka Jammu & Kashmir ka wan hadien kane ha kaba la don ka jingai jingmut na palat 16 lak ngut ki nongïashim bynta haduh mynta. Ka Andhra Pradesh ka don ha ka kyrdan ba kongsan da ka jingdon palat 11 lak ngut ki nongïashim bynta. 100% ka jingpynpoi pura ïa ki skhim jong ka sorkarKa Viksit Bharat Sankalp Yatra kadei ka sienjam ha kylleng ka ri kaba thmu ban kot 100% ka jingpynpoi pura ïa ki sienjam ba kongsan jong ka sorkar, da ka jingpynthikna ba ki jingmyntoi ki poi sha baroh kiba dei hok ban ioh.
Ki mawmer ba la lah ban kot ha kane ka yatra kilong kiba kongsan: palat 29,000 tylli ki Gram Panchayat ki la ioh ïa ka jingpynpoi pura ïa ki kam, lyngba ka jingpynpoi pura 100% ki Ayushman Card; palat 18,000 tylli ki Gram Panchayat ki la kot 100% ka jingpynpoi pura ïa ka skhim ‘Har ghar jal’; palat 34,000 tylli ki Gram Panchayat ki la lah ban pynkylla digital pura ïa ki kot ki sla kiba ïadei bad ki jaka; bad ha ka jingkyrshan ïa ka sienjam Swachh Bharat, palat 9,000 tylli ki Gram Panchayat ki la lah ban pynbïang ïa ki jingdonkam na ka bynta ka jingpynurlong ïa ka ODF Plus model.
ïa ka Vikasit Bharat Sankalp Yatra la plie paidbah da u Myntri Rangbah duh ka Ri-u Narendra Modi ha ka 15 tarik na Khunti, Jharkhand kaba thmu ban pyndap ïa ka jaka ba suda hapdeng ka sorkar bad ki briew.
